Von Iltissen, bibbernden Campern und Breili

Guete Abe

Di letschte drei Taeg hei mer ues chli verusgabt und probiert z'teste wi Waetter- und Wanderfescht das mer si... ums vorwaeg z'naeh: mir si Gnussmoensche (was me a uesne Koerperboute xeht) :-)

Mir si i Torres del Paine Nationaupark go wandere. Dert chame es sogenannts "W" wandere, wome de aus schoene xeh het, resp. haet... Mir hei ues, fuul wi mir vo Natur us si, scho Mau vo Afang ah fuer ne chuerzeri Strecki entschiede.

Dr Huegu dueruf und naer um dae See ume...

Torres del Paine

Bepackt miteme fette Rucksack voll vo Zaeut, Maetteli, GasChocher etc. und eme Fraesspack, si mer de gstartet und hei uesi Koerper id Hoechi ufe ghiefet... Nach 15min si dRuegge scho pachnass xi und me het mueesse abziaeh, eh ersti Pouse mueesse mache und oeppis i Rache waerfe. Stetig ufwaerts ischs gange bis is erste Camping uf ca 800m. Dert heimer ufgschlage und si z'erschte (und einzige Highlight go luege) - di drei Tuerm. i uesem Verstandnis isch der letscht Teil vo daem Waeg zwar eher Baergstige xi as Wandere, aber mir si ja ou kei Massstab... (Nad: remember Mount Marathon)



Naer simer zruegg zum Zelt und hei dert kochet und ues igmummelet i uesne Super Schlafseck... Nach ca. 10m heimer afoh schlottere und eh Flaesche vou heissem Wasser as Buettu bruucht. Gnuetzt hets nued und mir hei ues naer wine Pellwurscht probiere z'zwoeit i ei Schlafsack z'presse. Das het natuerlech nume bedingt guet klappt und uesi Koerpertemparatur isch uf gefuehlte 10 Grad unger Null gsunke (Lovehandles Hin oder Haer). Dusche het me natuerlech nid choenne und ds WC isch so wueescht xi, das me ded ou nid wuerklech sis Fuedeli het woeuae druf setze...
 

Haferbrei - i has nid guet gfunge, si het mi zwunge z'lache :-)

Wiiter ischs miteme sehr laeckere zMorge gange... Haferbrei (aso... eh Buettu und heisses Wasser dri... that's it)... dAnsch fingt das eh Laeckerei, angeri Mitreisendi eher weniger...

Mir hei gfunge me choenni nid ufgaeh und hei naer eh raechte Rieme aghaenkt fuer das mer de frueeh uf ne Faehri fuer zruegg haette choenne... Leider hei ues dChraeft verloh und mir hei no einisch mueesse campiere... Mittlerwiile het sech 2 taegige Schweissgruch agsammlet und i uesne Schlafsaeck (womer, oh Wunder hei choenne zaemesetze) hets gstunke wi ihre Iltis-Hoehli... wueeeescht! zNacht heimer ueberigens eh feini Buettutomatesuppe gmacht! Sehr laecker (im Gaegesatz zum Dueftli im Schlafsack)!

Mit Teigware (nid usem Buettu sondern vorkocht) - ueses 1te zNacht

Am dritte Tag hets naer no wueescht woeuae und mir hei no eh 3h Marsch mit aschliessendem 2h Warte und 3h Heifahrt bachnass doerfe verbringe.

Fazit: Mir si kener Wanderer und waerde in Zuekunft nume no Sache mache wome am Abe cha es Duescheli naeh, es Pack Chips ufdue und es Bierli zwicke! Aus angere cha nued si! Mindestussetemperatur 15-20 Grad!

Adieu

So, iz aber...

Guet... aendlech schaffe mers wieder einisch Mau es paar Fotos ufezlade... dReihefolg stimmt zwar nid ganz mit der Route, aber das macht jo fuer einisch nued... 

 Wi verzoeut heimer eh Siaech vou Sache xeh... drum heimer ou mueesse di Schiudli foetele...

Jawoll... ufpasse...

Meine Koerperfuelle

 Mir wuesse das dKommentaer nid wuerklech super funktioniere... dr Goetschi het zwar usegfunge werum, aber mir heis ou no nid ganz gschnallet... faus dir dKommentaer nid xeht... der obegnennti het dr Uersu im erste Blog as dr Moensch bezeichnet wo as Vorbild fuers Lied "I am the Walross" gno isch worde... das moecht dae kontere und saege, er xeht meh us wi dae Pinguin do obe... Walross isch doch gad eh chli gar fraech...


Im Uebrige hei mir sehr viu vo dene xeh... hie hets eh Kolonie vo ueber 800000 vo dene Dinger und di si erstuunlech moenscheaehnlech... mir hei eine xeh wo torkelnd i sini Hoehli gwatschlet isch und dert vo sire Gemahlin erwartet isch worde... di het churzerhand ihri Flosse fuere gno und ihrem betrunkne Gemahl ordentlech eine ueber dRuebe zoge, so das aer wieder riissuus gno het und ab is Promillebett isch... irgendwie erinneret ues das ah oepper deheime... gut!

Wiiter isches gange und mir hei Comerson Delphine xeh... das si di schwarz wiise dinger wo der do unger xeh... mir hei nid Mau gwuesst dases soerigi ueberhoupt git, aber naja... mir si ja schliesslech ou nid wuerklech  Biologe oder Meeresforscher oder was ou immer... si aemu geil xi und het gfaegt wiu oeppe dHaeufti vo de Luet wo uf daem Bott isch xi se ou no gad gfuetteret het... mit ihrere Chotze... isch sensationell xi...

Commerson Delphine vor der Kueste...

Haariger Guertler

Uersu spezialisiert sech meh uf Guertutier und vo dene heimer iz ou langsam viu xi... kuuli Sieche... irgendwie isch aeuae der Nik mit dene do hie verwandt... di nenne sech Peludos (das chunt vo Pelo, was so viu wi Haar beduetet... i hoffe mer erkennt ihri Behaarig ufem Panzer)... irgendwie ou wi deheime :-)

 Naer heimer natuerlech no es angers Highlight gha... mir si imne Naturreservat mit freie Seeloeie go schwuemme... ganz geili Hagle... hei ues id Flosse, dArme und dHaeng knabberet... bi knapp 19 Grad im Wasser heimer oeppe 40min bi dene choenne umefreese und das isch super, super xi... ganz geili Viecher.

Fallender Eisberg

Iz simer wi xeit in El Calafate wos eh riisige Gletscher het wo i Lago argentino inefreeset... dert gheie Huesergrossi Iisbaerge obe abe und das das kei Uebertriibig isch, xehter am Biud obe... dAnsch moecht sich ueberigens hiermit as Natuerfotografin vom National Geographic bewaerbe... 

So... mir hoffe das isch wieder Mau oeppis xi mit dene Foeteli und wuensche oeich guet Nacht!

Ansch und Uersu

Ohne Fotos

Hola

Leider simer do in Patagonie chle ohni Computer und mir müesse die Freunde der Fotografie no einisch vertröschte...

Me kennt hie no keh USB Sticks! Mir wüsse zwar ni gnau wi das geit aber seis drum!!!

Mir hei mittlerwiile ganz viu Viecher xeh: Seelöie, Pinguine, Seeelefante, Gürtutier, Guanacos, Delfine und so wiiter... Säuvstverständlech düemer morn oder übermorn Fötteli ufelade!

Süsch hets is no paar Mau liechters g'arscht! Zersch simer ines Kaff am Änd vor Wäut, womer nüd hei chönne mache - guet gmacht! När heimer es Hotel gno miteme alte Huusdrache dinne wo ni Mau mit üs gredt het und schlussändlech heimer wieder Mau eh Platte gha!!!

Iz fahre mer de i 2 Stung Richtig Süde und hoffe mer hei keh Panne! Ded erwartenis när wieder europäischeri Vrhäutnis - chüeu u unbeständig!!!

Guet! Blogge ohni Föteli isch wi Usgang ohni Bier...

Adieu

Patagonien

Guete Morge (resp. aeuae scho Namitag bi oeich)

Nach 2 nuenstuendige Busfahrte si mir iz am Afang vo Patagonie acho... mir si iz in Puerto Madryn, was der Usgangspunkt vo de naechste paar Taeg wird si... drum heimer daenkt mer dueege iz Mau wieder Oeppis hie druf...

Da mer huefig WiFi, aber saeute eh Computer hei wo me cha Biudli ufelade, heimer iz daenkt mer dueege ou ab und zue Mau oeppis oehni Biudli ufelade... faus das dr Mehrheit nid soetti passe dueed ues doch es eMail mache, oder eh Kommentar, de duee mer wieder weniger, derfuer meh Biudli poste... zu de Kommentaer... di soetti eigetlech go und mir hei ou scho uebercho, aber irgendwie schiene die nid immer zfunktioniere und mir xeh nid ganz werum... henu...

Wi xeit, heimer iz zwe laengi Busfahrte hinger ues... di einti isch super gange und bir zwoeite isch natuerlech dr Car kaputt gange... oeppe 50km vorem Ziu ischer abglaege wiu me nid gnue Sprit im Tank het gha... das isch natuerlech super, vor auem wiu dert in West-Uagadugu natuerlech keh Empfang und nued isch... drum heimer naer 2.5h mueesse warte bis eh Bus ir gliiche Richtig ues gueetigerwiis ufglade het...

Iz simer, wi erwaehnt in Puerto Madryn womer geschter churz si go bade... zWasser isch mittlerwiile arschchaut und ungloublech schlammig... uesi Badhose si gad gfueeut xi und ds ganze Zimmer stinkt nach Seegras... wueest!!!

Was mer natuerlech ou no gmacht hei, chunt ues gad no i Sinn... mir si natuerlech in Buenos Aires no es Spiu vo de Bocca Juniors go luege... das isch zwar torriich xi, aber bir Mehrheit het me sech nid doeerfe froeie, si hei naemlech 4:1 verlore... und dStimmig isch entspraechend guet xi... haha... es het dr Mannschaft klar amne Spieler vo Waeltformat gfaehlt... und Diego (weni das richtig dinne ha, de het dae gloubs dert agfange... ja, Oli und Goetschi, mir loeh ues iz gaern as Banause vor Fuessbaugschicht lo oute, fauses nid stimmt)

Huet weimer mit Seeloeie go schnorchle und hoffe das di Hagle de ou usechoehme... naer morn goemer uf dInsle go See-Elefante und Pinguine sueche...

Hoffe mer Mau das mer das aus xeh...

Mir wuensche oeich eh churze Raescht vor Wuche und es schoens Wucheaend

Ansch & Uersu

Vo deheime, Guertutier und Diebe

Hi

zersch mau wird dae blog keh gross und chlischrift ha... tastatur isch gschicht und drum choei mer kei ruecksicht uf oeich naeh...

mir si mittlerwiile in buenos aires acho und hei es paar taeg ufem land und iz scho wieder es paar taeg i de staedt verbrocht.

Fuutier meets Guertutier

zersch simer mitem bus 4.5h i norde vo uruguay gfreeset fuer go guertutier sueche und hei tatsaechlech sone fisu gfunge... Sweeeeeeeeet













naer simer per bus und schiff via colonia nach buenos aires womer iz si... mir finge di stadt super und wenn si nid so wiit waeg waer, de waer das definitiv mau eh staedtereis waert... fuer dDame gits einiges zum shoppe und dHerre choei ir zwuescheziit emne fleisch bim grille zueluege oder gmuetlech es bierli im schatte trinke...

mir si natuerlech ou go tango luege und moechte zRebi und dr Lueku druf hiiwiise das mer das iz chli kenne und wenn si wette, choente mer ihne ou no paar tricks zeige wemer wieder deheime si... im uebrige fingt dr uersu dMusig aehnlet am Theme-Song vo pink panther...

Vieli luet hei jo zGfueuh das eim sone reis sehr guet dued und eim ou sehr veraenderet wiu me so viu noeii Sache xeht... mir xeh das nid ganz so und si ueberzuegt das mir immer no di glich liebenswaerte moensche waerde si (guet, guet... dAnsch liebenswaert, dr anger eher weniger)... und da mir viu Sache finge wo ues a deheime erinnere hei mer ou nid so fescht heiweh...

hie gits fougendes En Masse: Pizzas, Glace, Milka, Gipfeli und und und... hie es paar Bispiu:

Cupcakes...

...zum zNueni

Medialunas zum zMorge

Swiss Chocolate... haha...

Fuer dHandles no Glace im Kilopack...

Und natuerlech eh Tonne Pizzerias...

Was heimer suesch no fuer Geschichten aus der Gruft? Huet simer bestohle worde und zwar der uersu, der vielgereiste... mir si ir metro inne xi und naer het sone chline wixxer (excuese dr usdruck, aber er isch abrocht) doh winer wuerd afoh chotze und si kolleg het aeuae am uersu sim discofuedeli umegfuerwaerchet und ds portmone usezoge... dr Uersu het aeuae gmeint es sig dAnsch wo dert umemanipuliert und froeidig haeregha, woruf de zPortmone eh Station spaeter niene meh isch xi... ds ganze isch nid so schlimm wiu nume 20.- drinne si xi... das haet zwar 4l bier gaeh, aber naja...

wiiter heimer nid so viu zbrichte und drum loehmer das mau...

mir hoffe es goengi aune guet und schicke viu Sunne und Gruess hei...

ah... no oeppis... was fuer Moslems Mekka und fuer Christe dr Vatikan isch, isch fuer Fleischliebhaber Argentinie... ungloublech was die hie fuer sache ufe Grill meche... sensationell :-)

Ansch & Uersu

Urus, Fleisch und...

Hola

Lang ds hoechste Huus in Suedamerika - in Montevideo

Hei gad vori es Mail vom Chrigu gläsä u dert hets gheisse s'heigi zweni uf däm Blog... Mir wei ja deheime i gueter Erinnerig bliibe und düe drum dere Afrag Rächnig trägä!!!

Mir si iz in Uruguay und hei ersti Erfahrige mit Gränzübergäng i Busse gmacht!!! Hie sitzt me ine, pennt bis meh vo nättä Zöuner gweckt wird u si Pass darf abgäh!!! Dä wird gstämpflet vo beidne Länder ufs Mau u när flott a Sitz zrügg bracht!!! Suberi Sach!!!








Mittlerwiile heimer ou ds erst Mau gwäsche, resp loh Wäsche, was mer äuä gschider hättä la si... Ar Ansch iri Wösch schmökt nachere Bluemewiise, am Ürsu sini nacheme aute Turnschue vom Ryan!!! Me chönt ou sägä es stinkt wi inere Höhli vome alte Iltis!!! D'Hoffnig bliibt dases ar häuä Wösch ligt und ar Ansch ihri ou no stinkt... Sozsägä im Gestank vereint!!!

Mittlerwiile het sechs ou mitem Ässä ipändlet!!! S'git iz Fleisch! Fleisch und Fleisch!!! Das wird hie i riesige Grills zuebereitet und isch angers, angers!!!

400g Entrecote fuer 15.- ANGRIFFFFFFF

Grill in Uruguay am Maerit

 D'Ansch wet o wieder aus mampfe (aso natuerlech KEIN Fleisch), aber si kämpft no mit ihrere Vrdouig und mer müessere regumässig no Chole bigäh!!! S'git, und das sei am Rande erwäht, hie ou gegrilltes Gemüse!!! Aber: who cares about veggies, when there's beef!

Zucchetti, Peperoni, Auberginen, Haerdoepfu, Suesshaerdoepfu und Kuerbis (kurz: Teufelszeug)

Di nächst Täg göh mir uf ne Farm go Gürtutier sueche u wehe mer finge kener!!! De tätschts!!! När gömer no uf Piriapolis as Meer u vo dert ones Kaff vis a vis vo Buenos Aires. Dert gömer när mit dr Fähri härä... Ah, hie isch no Carneval und mer choei morn go luege wi die duee trummele... Mau luege oeb das oeppis isch... as interessierti, jungi Luet si mir natuerlech ou scho ines Karnevalmueseum... sehr interessiert, moechte mer hie biifueege... eh Stadtrundfahrt imene aute Aenglische Bus heimer im Kaff vorhaer ueberigens ou gmacht (sehr interessiert, sei noch einmal erwaehnt) und die isch meh as BESCHISSE xi... Gut.

Das wärs vo üs!!!

Cheers

Ansch & Ürsu

Ps. Dir dörft de wi xeit dä Blog ou wiiterleite und/odr kommentiere!!!

Pps. Dä Blog söu de nid as einzigs und Einwegkommunikationsmittel gäute! Mir fröie üs über eMails u chöi ou skype!! S giit Luet di finge das Fruendschafte eh Einwegkommunikation sige... WIR NICHT...

Kafi BienBar

Ppps. Mir hei no eh Kafimaschine fuer id BienBar xeh... mer wuensche das die fixfertig installiert isch we mir heichoeme... danke

Pppps. Mir hei no freii Plaetz, faus ues oepper no wott bsueche