Dschungel, Fluege und wichsende Mandlis

Ara

Tach Wohl Aus Sucre


Mir si iz mittlerwiile sit 9 Taeg in Bolivie und es gfaut ues sehr... Mir si di letschte vier Taeg im Dschungel xi, resp. ufemene Zuefluss vom Amazonas. Dert simer miteme kuule Huusboot xi und hei im Fluss choenne bade, Pinkigi Flussdelphine xeh und ou suesch no Viecher (unger anderem ar Ansch ihre naechst Verwandt - das FAULTIER)! Mir hei ou Bekanntschaft mit weniger agnaehme Ziitgenosse gmacht - ehre Million und Eim Moskito! Aber ansonste isches wuerklech super xi! Derzue heimer no eh bolivianische Star lehre kenne. Dr Piray, eh schiins berueehmte Musiker wo mit ues isch ufem Schiff xi.

Fuef-Chralligs Fuultier

Vo Trinidad (das isch der Usgangspunkt vo uesem Tripp xi), simer de per Flugzueg wiitergfloge. Das si hie Flugi wo nid fuer aui Luet gmacht si... bsunders Moensche mit Flugangst waere aeuae ueber dGroessi (19 Luet) und dStabilitaet vo de Flugi nid begeischteret. Mir si de vo Trinidad diraekt ine Wulchewand inegfloge und naer hets afo schuettle und due und ues isches aso ou nuemme so wohl xi... Aber offebar isch das normal wiu aui Bolivianer hei nued dergliiche toh... naja... mir si aemu froh xi womer in Sucre si acho und iz duee mer is aklimatisiere uf dHoechi. Momentan isches no 2800m, aber mer goeh uebermorn duer dNacht wiiter nach Chochabamba (das isch scho chli hoecher as 3000m) und hole naer am Fritig uese naechst gschetzti Gast in La Paz ab. Mitem Chrigu goemer de vo La Paz (knapp 4000m) uf Potosi (di hoechsti STadt vor Welt, luut Lonely Planet (knapp 4100m)... Wei de luege oeb mer das aus ueberstoeh :-)

Ansch vor Flugzueg :-)

es wiiters Ereignis heimer imne Internetkafi gha :-) mir si ahnigslos is Kafi ine und abghoecklet woruf uese Blick zumne Mandli am Nachbarcomputer gschweift isch!  Dert isch eh Dame mit grosse gmachte Bruest gstange wo sech a ihrem beste Teili umegspiut het. Nume isch das nid, wi z'erwarte es wiiblechs, sondern es maennlechs Gschlaechtsteili xi. Ds Mandli naeb ues het ganz verklaert i Biudschirm gluegt und sich a sine eigete Weichteili umegspiut. Ds verklaerte Laechle isch bi zuenaehmder Laengi vo uesem Ufenthaut immer breiter worde und mir hei naer churz vorem Koitus z'wiite gsuecht und si ga dHaend waesche (schliesslech isch dae aeuae scho a jedem vo dene Computer ghocket)!

Was heimer suesch no? Hie gits ganz viu kuuli Maerkt und zLaebe isch duetlech billiger as in Argentinie und Chile und es giit mittlerwiile ou wieder scharfs Aesse. Uf aune Tisch stoeh hie so kuuli Soeseli mit Tomate, Chili und chli Zibeli. Raecht laecker!

Morn goemer no ines Staedtli 1.5h vo Sucre waeg wo de dAnsch sich eh Lama-Puli wott choufe, so das si de nid chaut het, wenns chueeler wird!

Guet... Mir wuensche oeich eh schoene Sundig!

Liebi Gruess us luftiger Hoehe

Ansch und uersu

Vor Wüesti, nach Salta u Bolivie



Kaktus ir Atacama-Wueeschti

 Ir letste Wuche simer fliessig xi u vor Atacama-Wüesti über Salta nach Bolivie gfreeset!



Salzstei ir Atacama-Wueeschti


Ir Wüesti hets is as ersts dNasene dür dTrocheheit verwiklet u när simer bimne Usflug fasch verfrore (womer uf 4000m si go Geysire luege). Im gliiche Trip simer no ine heissi Quelle u sinis vorcho wi di geile japanische Affe mit de rote Chöpf :-)

Derfür het dAnsch när ihres erste Lama dörfe füettere (und dr Ürsu es ersts Mau eis döfe ässä - was mit Müntschelie-Entzug g'ahndet isch worde)!

In Salta heimer is ändgültig vo Argentinie verabschiedet und es letschts Riesefleisch vrnichtet!




Salzsee uf dr Reis nach Salta




Per Bus u Taxi simer när is Land vo de Andechrieger greist womer z'erst Mau Kontakt mit dr CocaKultur gmacht hei! D'Mandlis fülle sech hie dBacke u xeh us wi Hamster! Üse erst Taxifahrer het de regumässig Blettli zum Fänster usegspöizt wo när zum hingere Fänster wieder si inecho u dAnsch attaggiert hei! Bim Usstiige heter när no ca. 1dl grüene Spuder useglah (sehr zum LamaWuuscher sire Begeisterig)!

Es Glaesli Wii in Tarija

Mir si iz in Tarija u hei eh Tagesusflug ines Wiiguet gmacht u erste Kontakt mit Riese-Smacks (ca. x5 vo üsne Kellogs) gha! Dr Wii hie schmöckt rächt ungwöhnlech! Meh wi süesse Trubesaft mit Alk... Sprich: me merkt ersch bim ufstoh das me scho eine het (was üs natürlech nid passiert isch - mir hei üs da im Griff *husthust*).

Bis iz gfauts is sehr u mir finges fröhlech im Land des Evo Morales!

Häbäts guet!

Liäbi Grüess

Ds Lama u dr Iltis

Vo Schnöiz, Muschelanüsser und Wiiprofis

Restaurant im Raebstock - Mendoza

Mir möchte öich brichte über Nicus Ziit bi üs! Vo Santiago si mer uf Mendoza (womer, wi scho brichtet, eh Parrillade à l'Anus gha hei). Am nächste Tag heimer när eh Wiiusflug gmacht u im Räbähain g'spise!










Wiiter simer Richtig Cordoba (mit Nicht-nennenswertem Stop imne Kaff)! In Cordoba heimer es Ghost Busters Mobil mit hasezahnigem Fahrer (nume no di 2 Schufle heter gha) gmietet und si i Pampa use! Erwähnenswärt isch ou ds 800g Fleischstück womer vrnichtet hei :-)

Ansch zruegg bir Matilda in Buenos Aires

Per Nachtbus (wo sech dr Nicu afänglech gfröit het und am 3 ir Nacht foht afoh motze: "Fuck isch das unbequem") simer uf Buenos Aires! Dert heimer am Nicu sämtlechi Frässalie (Tacos, Glace, Grillade und Green Monsters) zeigt!

Strasse Parilla in Buenos Aires

 
När simer per Nachtbus ir Royal Suite zrügg uf Mendoza gfahre. Dert het me 1st Class Service mit Bett, eigetem Fernseh, Ässä, Wii u Schnaps (Chuttlerugger-Whiskey) gha!

Zrügg in Chile (per Bus überne chline Pass) heimer no eh Stopp in Valparaiso gmacht! Dert heimer eh Muschleüberdosis gfange... 5kg Schicht hei si nis uftischet! Jensti absonderlechste Meeresgetier uf eim Pflatsch... Ein Graus! Mir hei de dHeufti ipackt und dAnsch hets ad Strassekatznes vrteilt...

Es wiiters Highlight het is eh übermotivierte Chäuner beschert! Troumatisiert vo de Muschle si mer ines so-called Haute-Cuisine Chilerestaurant! Dert isch jedes Gricht ime haube Roman beschribe xi... Me häts ou churz und bündig as Hase-, Schwein- u Gmüeskacke chönne bezeichne! Aber guet, zum Chäuner: dä het eh Fläschä Wii (nid üse) uftah und as ersts Mau dr haub Zapfe ir Fläschä vrsänkt! När heter dr ersts Schluck Wii id Karaffe (oder so) igschänkt u afah umeschlöidere (wi im Labor). Nach poditivem Test heter de di ganzi Fläschä id Karaffe glährt, ernöit gschüttlet u nach 2min Luft näh igschänkt!!! Bim verteile vom Wii isch de natürlech no dr Zapfe is einte Glas entwüscht! Das heter de no pär Gable elegant usegfischt! Gut!

Dir xeht, mir heis lustig gha zämä! Ah, und da ja iz Schnöiz wider In si, hei sech Nicu u Ürsu ou eine zuetah :-)

Schnouz

Adieu undbis glii

Mate Meister Bussinger

Ansch, Nicu und Ürsu

ps. Im Uebrige heimer der Nicu no zum Mate-Tee Meister usbiudet...

Die drei Musketiere

Hellou und Buenos Dias

Wi mehrfach erwaehnt heimer di letschti und di naechsti Wuche es dritts Musketier bi ues im Bunde. Dr Nicu... Das isch nid immer eifach wiu sech mit ihm uese Fraess- und Trinkwahn oft is unermaessleche steigeret.

Bispiu Nr. 1: Olek, Bolek und El Gordo goe ines guets Restaurant (eine Parilla - Grillade) und foeh afo idroesche, naeme am Schluss no es Schnaepsli und es Fernet-Cola. dRaechnig chunt und me stoeut mit Schrecke fescht: es laengt gad no knapp fuer 1.- Trinkgaeud. Das chunt natuerlech ou in Argentinie sehr guet ah und drum heimer zahlt und gad fluchtartig zLokal verloh. Duss simer de in West Simbabwe gstange und hei gmerkt: Kei Pulver fuers Taxi... und oeppe 10 km waeg vom hostel...

Bir Parilla... dFreud isch is is Xicht gschribe

Bispiu Nr. 2: El Gordo und Olek stuerze sech uf ne Fleischplatte. Eine Parilla Mixta. Voller Freude xeh mer eh riesigi, heissi Platte uf ues zuerolle und foeh ah aesse. Quintessenz: naebst zwoei Filetstueck wo duerebrate si xi, het dPlatte ou no fougendi Sache beinhaltet... Magewand vor Chue, Niere, Laebere, Bluetwuerst, fritierti Halsschlagadere und ou suesch no angeri schoeni Sache! Uese Schwiizermaegeli het de nid aus abebrocht und mir hei, sehr zur Belustigung vom Chaeuner, dHeufti loh stoh...

Naebst dene chline Reinfaell heimer ou no eh schoene Ort bsuecht, wo lut Lonely Planet, Natural Pools vorzwiise het... Leider isch das meh eh Stoudamm, resp. mehreri Stoudaemm anenang xi...

Nun gut... mir si ja zdritt und heis lustig... Es git ame es Bier und mir hei ou scho guet gaesse... mueesst nech aso gar nid schadefroeidig is Fueschtli
lache.  

Es gruessen

Die drei Musketiere

ps. es dued ues Leid, aber im Momaent gits nid meh Foeteli, mir choei nix schlaus ufelade... sorry