Fotos

Brasilien - Bild Nummer BR001 -  Fassade in Sao Paolo

Brasilien - Bild Nummer BR002 - Biniki Verkäufer Copacabana

Brasilien - Bild Nummer BR003 - Ausblick vom Zuckerhut auf Rio

Brasilien - Bild Nummer BR004 -  Iguacu-Falls aus Fischperspektive

 

Brasilien - Bild Nummer BR005 - Orangen-Kiste auf Sao Paolo Markt 

 

Brasilien - Bild Nummer BR006 - Gekko in Rio 

Argentinien - Bild Nummer AR001 - Patagonien

 

Argentinien - Bild Nummer AR002 -  Perrito Moreno Gletscher

Argentinien - Bild Nummer AR003 -  Pinguine im Punta Tombo Nationalpark

Argentinien - Bild Nummer AR004 - Cerro Fitz Roy

 

Uruguay - Bild Nummer UR001 - Möve in Montevideo

Uruguay - Bild Nummer UR002 - Kaktus-Makro

Uruguay - Bild Nummer UR003 - Pedro auf Farm

Chile - Bild Nummer CH001 - Alt und Neu ir Atacama-Wüeschti

Chile - Bild Nummer CH002 - Torres del Paine 

Chile - Bild Nummer CH003 -Zitrone ufem Märit in Santiago

Chile - Bild Nummer CH004 - Salzgestei ir Atacama-Wüeschti

Chile - Bild Nummer CH005 - Kaktee ufem Wäg nach Argentinie

Bolivia - Bild Nummer BO001 - Böimli in Sucre

 

Bolivia - Bild Nummer BO002 - Amazonas-Zuefluss Rio Mamore

Bolivia - Bild Nummer BO003 -Usblick übere Titicaca-See

Bolivia - Bild Nummer BO004 - Uyuni-Salzwüeschti

Peru - Bild Nummer PE001 - Spiegelbild vore Insu

Peru - Bild Nummer PE002 - Spiegelbild ufem Machu Picchu

Peru - Bild Nummer PE003 -Wolkenriss

Peru - Bild Nummer PE004 - Machu Picchu

Ecuador - Bild Nummer EC001 - Blaufuesstölpel

Ecuador - Bild Nummer EC002 - Sunneabäter uf Rotem Grund

Ecuador - Bild Nummer EC003 - Tölpel meets Pelikan

 

Ecuador - Bild Nummer EC004 - Meer-Iguana

 

Colombia - Bild Nummer CO001 - Valle del Cocora - wi deheim

Colombia - Bild Nummer CO002 -Valle del Cocora - no einisch

Colombia - Bild Nummer CO003 - Gäubs Fänschter in Cartagena

 

Colombia - Bild Nummer CO004 - Altstadt vo Barrichara

USA - Bild Nummer US001 - Bryce Canyon

USA - Bild Nummer US002 - Zion National Park

USA - Bild Nummer US003 - Bison im Gras

USA - Bild Nummer US004 - Sunneuntergang im Teton-National Park

USA - Bild Nummer US005 - Kaktus im Joshua Tree National Park

Canada - Bild Nummer CA001 - Waldseeli in Banff

Canada - Bild Nummer CA002 - Landschaft in Blau

Canada - Bild Nummer CA003 - Oldtimer im Fäud

Canada - Bild Nummer CA004 - Hirsch im Gras

It's not over, not over, not over...

Zum letschte Mau es Hallo

Was vor nüün Mönet agfange het ändet iz hie in Vancouver!

Mir hei di letschte Täg ir schönste Stadt vor Wäut (luut Ansch) verbrocht u üs no einisch dür di ganzi Wäut gfrässä! Deheim gits Salat, Suppe u Wasser! Aber ersch nachdäm mer aui vermisste Läckereie wieder zur Genüge idröschet hei!

Es chliises Fazit wette mer doch no zieh:
- ds beschte Fleisch gits in Argentinie (Grillade in Cordoba)

- ds beschte Bier isch Alaskan Amber u Quilmes Red Lager

- ds ultimative Flash erreicht me uf 4000m, bi knapp über 0 Grad mitere Kombination us Bier, Coca Bletter, Zigarette u Mate Tee

- ds beste Fahrende Restaurant: im Yellowstone im Wägeli bi Mama u Papa Kaenel

- ds beste Hostel: La Hola in Copacabana, Bolivie

- die coolste Seelöie (nid zum ässe, sondern zum spiele): Peninsula Valdez, Argentinie. Abr aui anger si ou super duper!

- dr best Burger: Super Duper, San Francisco

- dr best Veggieburger: Ritigampfi-bar in Mindo, Ecuador

- Best Drink: früsche Maracuyasaft mit Röm (säuber gmixlet), Taganga, Colombia

- die schnüsigste Hochlandtier: L(L)AMAS!!!

Aber zum Schluss wette mr nech no zwe Anekdote zum Schmunzle mitgäh!

In Vancouver hets relativ viu Obdachlosi/Drogesüchtigi und entsprechend wird me ou ging öppe für Gäld aghoue! Das geit de zum Bispiu so: hello, can you spare 5$ (nid eine, nenei, 5 wott me)? We me de grosszügig eh Loonie (1$ Münze in Canada) zückt, chunt me zur Antwort: Oh my god, only one Dollar? Jo, bitte, s'isch gärn gscheh!!!

Des Weiteren gits hie ou Vögu in rauhen Mengen! Tuube, Spatze, Möve, allerlei! Inkl emne ganz fräche, pünktlete Siäch! Di düe de dTierliebhaber gärn füettere! So ou dAnsch! Si het i Giit ine ikouft u gmerkt das si nume 1 Gipfeli u 1 Brötli ma (nid 2i wi si ikouft het)! Drum hets de dr eint oder anger Krümmel gäh! Das het eh Voguschar aglöckt! Dr Ürsu, ihr Entzückig ab sim Schinke versunke, het de das nur ungenügend zur Kenntniss gno und entsprächend ou dr Vogu wo sech im Sturzflug uf si Schinke gstürzt het ersch bemerkt woner sech mitem halbe Schinke usem Stoub gmacht het... Sithär bhoupteter, er heigi Vogugrippe :-)

Geschter isch me de uf Geheiss vom Herr Bussinger (o bekannt as Klösschen), is Shabu-Zen ga Fressi-Fressi mache! Z'All u can eat Sushi het (und iz Obacht), dr Ürsu so entzückt, das ihm es 'i liebe Vancouver' entwüscht isch! Zwe Stung später, woner sech mit vouem Ranze ufem Bett gwälzt get, heter de müesse feststöuä, das är weder eh Seelöii, no eh Seeotter isch: z'viu rohe Fisch berchunt sim Mage nid :-)

Jo, das wäre si, üser letschte Idrück vo dere Reis! Mir hoffe, mir heige nech mit üsem Blogg chli chönne lah teil ha a üsne Erläbnis! Mitemne lachende u emne tränende Oug chömemer iz hei! Ds lachende, wiu mir üs fröie öich aune wieder uf dNärvä z'ga, ds tränende wiu iz doch scho aus düre isch! Mir mögte no, drum seid gewarnt... Mir si glii wieder wäg!!!

Bis bald

Ansch u Ürsu

Quiz zum letzten...

Aso... hie waer no einisch das Foto vom VW...

Und hie si no einisch dHiiwiise

1) Es het drei Buechstabe
2) Me cha öppis inelah u de berchunt me öppis zrugg
3) Me het när weniger as vorhär

Fotos im Nachtrag

Hie wette mer oeich no dFotos vo de letschte Taeg und Wuche nochereiche... As ersts heimer Mau dPetra im Holz verewiget entdeckt und ar Busle ou no es Foteli woeuae widme :-)

Naer heimer unger bi Ucluelet am Pacific Rim dae geil Seeadler xeh und choenne foetele.. Mer hei natuerlech kei Akku meh ir Kameria gha, aber mir hei oepper gfragt wo di glichi Cam het gha und ne doch no choenne foetele...

Bim Whale watche heimer no dae Buckelwal xeh abtouche

Und dr geil Seeotter wo sech am putze isch xi...

Z Victoria het de dr Uersu ir Happy Hour no es paar Ouschtere vernichtet

Und am Open Air womer der moenschlech Skunk hei xeh

Und Schlussaendlech simer no mitem Tucan zaeme uf dSpace Needle in Seattle. Er het is fasch vom Turm woeuae abfluege, aber mer hei ne choenne zruegg halte!!